Godinat e dëmtuara nga tërmeti, IKMT shemb shkollën 9-vjeçare në Durrës

Ditën e sotme ka vazhduar prishja e godinave të dëmtuara nga tërmeti i 26 nëntorit. Gjatë ditës së sotme, Inspektorati Kombëtar i Mbrojtjes së Territorit – IKMT ka prishur një shkollë 9-vjeçare.

Bëhet fjalë për shkollën 9- vjeçare “Shaqe Mazreku” në Durrës e cila kishte pësuar dëmtime të rënda. Ndërkohë, pas prishjes pritet që shkolla të rindërtohet nga e para.

Më herët IKMT prishi gjimnazin “Qemal Mici” në Durrës dhe  dhe një tjetër shkollë 9-vjeçare në Shijak, të dyja të dëmtuara nga tërmeti.