Gëzim në Spitalin Infektiv, nëna 77-vjeçare fiton betejën me koronavirusin (VIDEO)

Deri më tani në Shqipëri numërohen rreth 800 persona të infektuar nga koronavirusi.

Prej tyre rezultojnë të shëruar 67%, sipas të dhënave që publikon Ministria e Shëndetësisë.

Një lajm i mirë vjen së fundmi nga Spitali Infektiv.

Bëhet fjalë për një 77-vjeçare nga Fushë-Kruja e cila ka fituar betejën me koronavirusin, duke u shëruar plotësisht.

Nëna Hike ka lënë sot ambientet e Spitalit Infektiv dhe është rikthyer pranë familjes së saj.

Kujtojmë se qarku ku banon e moshuara është dhe zona më e prekur aktualisht nga COVID19 në vend.

Shkak për këto shifra janë bërë infektimet në fasoneri, si një nga vatrat më të rrezikshme.

Kujtojmë se nga 6 raste të fundit që janë rezultuar pozitivë me COVID-19, 5 i përkasin Krujës dhe Kurbinit.