Ditën e sotme pati një rritje të rasteve të reja me koronavirus ndër bluzat e bardha.
Kështu ndër 21 persona që kanë rezultuar pozitivë brenda 24 orëve, 13 të prekur janë në QSUT, konkretisht personel shëndetësor dhe pacientë, kontakte të një infermiere e cila rezultoi pozitive dy ditë më parë, e infektuar jashtë spitalit.
Mësohet se prej tyre 9 janë pa simptoma dhe të vetëizoluar, ndërsa 4 pacientë jane transferuar në spitalin infektiv. Nderkohë vijon hetimi epidemiologjik edhe për disa raste të reja në Tiranë, e cila mbetet vatra kryesore në vend.
Gjithashtu vazhdon të ketë shtrime të reja në spitalin infektiv, ku aktualisht po trajtohen 25 pacientë, nga të cilët 3 janë në terapi intensive.
