LIGJET E BIZNESIT
Prej muajsh tashmë tema më e diskutuar në Shqipëri dhe jo vetëm është pandemia e COVID19.
Të gjithë bëjnë pyetjen se kur do largohet përfundimisht ky virus, në mënyrë që të vijohet me jetën normale dhe rrjedhën e përditshmërisë.
Por një deklaratë e fortë vjen së fundmi nga avokati Spartak Ngjela.
Ai ka thënë se edhe dy ditë na ndajnë nga shpëtimi përfundimtar prej koronavirusit.
Ngjela deklaroi se pas një bisede telefonike me ish-presidentin Bamir Topi, të cilin e konsideron një prej ekspertëve më të mirë shqiptar të biologjisë molekulare, ka kuptuar se COVID19 do të frenohet përfundimisht më 15 maj.
“Rama i po heq kufizimit që të ndihmojë turizmin. Por duke dashur ta ndihmojë turizmin, ai mund të na vërë flakën të gjithëve. Mikrobiologët thonë se temperaturat e larta e shkatërrojnë virusin.
Ne ekspertin shqiptar më të mirë për biologjinë molekulare kemi Bamir Topin. Në një bisedë që pata me të, më tha se sipas studimeve të tij, data 15 maj frenon përfundimisht virusin. Unë e besoj shkencën dhe drejt asaj po shkojmë.
Sipas asaj që mendon z. Topi që është profesor i kësaj dege, atëherë jemi drejt shpëtimit. Shenja e sotme dhe të djeshme, kam përshtypjen që e vërtetojnë këtë konkluzion.
Nëse data 15 është ajo që thotë shkenca atëherë do të kemi shpresë që do të vazhdojmë në përmirësim. Ky është një virus që nuk e studiojmë dot me themel.”, ka deklaruar Spartak Ngjela për Ora News.
