Emocionuese/ Në kohë pandemie, Mark banori më i ri Tiranës

Ministrja  e Shëndetësisë dhe e Mbrojtjes Sociale, Ogerta Manastirliu, përmes një postimi në rrjetin social Facebook, ka bërë të ditur lajmin për ardhjen në jetë të banorit më të ri të Tiranës.

Në një shënim në Facebook, Manastirliu bën me dije se gjatë periudhës së pandemisë, kanë ardhur në jetë 900 bebe në maternitetin “Mbretëresha Geraldinë”.

“Mark është banori më i ri i Tiranës i sapo ardhur në jetë në maternitetin “Mbretëresha Geraldinë”, ku vetëm në këto kohë pandemie kanë ardhur në jetë 900 fëmijë #Krenare për bluzat e bardha që nuk e kanë ndalur punën në asnjë moment”, shkruan ministrja Manastirliu.