“Charterat me turistë në fund të majit në Shqipëri”, ja çfarë deklaron Klosi

“Në fund të majit Shqipëria mund të presim charterat e para me turistë të huaj”, kështu është shprehur ministri i Turizmit Blendi Klosi.

Në një intervistë për Ora News, Klosi u shpreh se janë marrë të gjitha masat për zbatimin e të gjitha rregullave strikte nga ana e biznesve në fushën e turizmit.

Sakaq, Klosi theksoi se pritet të vijnë edhe shtetasit kosovarë për të pushuar në bregdet.

“Ne duam që së bashku me Ministrinë e Shëndetësisë kemi shpërndarë për mendim një set rregullash sa i përket higjienës, rregullave strikte për menaxhimin e stacioneve të plazhit, strukturave që mbështesin turizmin, duke filluar që nga hotelet, baret, restorantet dhe pastaj me kompanitë e transportit.

 Pra me çdo detaj që përbën turizmi për të pasur mundësinë që ne këtë kemi të gjitha mekanizmat në këmbë që në fund të majit të presim charterart e parë nëse ministria e Shëndetësisë, ministria e Jashtme dhe ajo e Transportit do të vendosin që të fluturojnë në Shqipëri chartera nga zona pak të prekura, sic janë për ne zona e turistëve polak, çek dhe vendeve skandinave.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Po ashtu do të presim edhe vëllezërit tanë nga Kosova, por kjo ka të bëjë me heqjen e gjendjes së pandemisë. Por përsa kohë ne jemi në situatën e pandemisë, gjithë këto biseda dalin në plan të dytë”, u shpreh Klosi.