Pas lirimit të dy anëtarëve sot të grupit Bajri nga gjykata e Shkodrës, ka ardhur dhe reagimi i gazetarit investigativ Artan Hoxha.
Sipas këtij të fundit kjo gjykatë ka vendosur më në fund të “balancojë” forcat në terren.
Gazetari shton se me paftësinë e prokurorisë të zbulojë vrasjet e vëllezërve Bilali, gjykata duket sikur vendosi që palët ta zgjidhin vetë çështjen, duke i lënë të lirë të qërojnë hesapet me njeri-tjetrin.
Hoxha paralajmëron teksa thotë se tashmë këta persona janë duke kërkuar njëri-tjetrin për të vendosur drejtesinë, me grykën e armëve, drejtësi të cilën ua mohoi DREJTESIA.
“Kur ligji nuk jep DREJTESI, ate e ben plumbi…
Disa dite me pare prokuroria e Shkodres, dorezoi per gjykim dosjen e ekzekutimit te dy vellezerve Brahim dhe Astrit Bilali, te vrare ne pragun e baneses se tyre, me 30 mars 2019.
Por dosja, u dorezua qartesisht, pa emra ekzekutoresh…..edhe pse gjithe Shkodra e di, se kush e ideoi masakren, me objektiv shfarosjen e gjithe burrave te nje fisi,
kush e organizoi krimin,
per cfare motivi u be vrasja e dyfishte,
kush e terhoqi kembezen e Zastaves,
madje dhe se kush ekzekuton me Zastava automatike neper Shkoder.
Sot, gjykata e Shkodres, vendosi me ne fund, te “ballancoje”forcat ne terren.
Liroi nga burgu nja tre djem te arrestuar gjate operacionit te shtatorit 2018, nga reparti special RENEA, qe goditi lagjen Dobrac te Shkodres, me synimin per te asgjesuar grupin Bajri.
Pas ketij operacioni policor me vetem nje drejtim, u ekzekutuan ne atentate mafioze dhe 5 qytetare te pafajshem te Shkodres, sigurisht per kompesim nga krahu rival.
Me paftesine e prokurorise te zbuloje vrasjet e vellezerve Bilali, gjykata duket sikur vendosi qe palet ta zgjidhin vet ceshtjen, duke i lene te lire te qerojne hesapet me njeri-tjetrin.
Qe nga sot ne mesdite, 3 nga 5 personat qe ndodhen ne keto foto, duke pozuar me maska dhe Kallashnikove, perfshire dhe nje Zastava automatike, gjenden te lire rrugeve te Shkodres.
Sigurisht, ata jane duke kerkuar njeri-tjetrin per te vendosur drejtesine, me gryken e armeve, drejtesi te cilen ua mohoi DREJTESIA…
Dhe kur te dale ajo profecia e kryeministrit, “kokat hengshin”, mos me thoni pse i cilesoj nja 3-4 qytete, me te rrezikshem se te tjeret.
Ishallah zoti, larte ne qiell, eshte vigjilent dhe nuk lejon qe bashke me “drejtesine” e plumbave, nuk iken hazret dhe ndonje shkodran i pafajshem qe eshte duke pire kafe ne rruge te madhe…”, shkruan Hoxha.
