Duket se kryeministri Edi Rama nuk i ndahet deklaratave lidhur me Teatrin e ri Kombëtar.
Me anë të një videoje, ai shkruan kjo godinë do të bëhet pjesë e famës botërore.
Kreu i qeverisë shprehet se me këtë vizion të ri do ti rikthehet dinjiteti dhe të ftuarit e munguar për shkak të kushteve të vështira.
REAGIMI I PLOTE I KRYEMINISTRIT EDI RAMA
MIRËMËNGJES
Me këtë provë shembullore të vizionit e ambicies sonë për institucionet kombëtare të artit e të kulturës në Shqipërinë e shekullit XXI, ku shihet fare qartë edhe dallimi i madh mes dy botëve që u përplasën për Teatrin e Ri Kombëtar…
Teatri i Operas e Baletit të Shqipërisë që ka nxjerrë yje me famë botërore, sot ka hyrë në Europë me hapësirën e kushtet e reja dhe skena me sallën e saj nuk është më një vrimë e ftohtë për artistët dhe publikun, po një vatër kënaqësie për krijuesit dhe dashamirët e atij teatri.
Nesër, do të hyjë po kështu në Europë me hijeshi e dinjitet, edhe Teatri Kombëtar i Shqipërisë, që gjatë tërë jetës së vet nuk ka pasur dot një të ftuar për shkak të kushteve prej hauri kafshësh, ku dhanë shpirt të mëdhenjtë e skenës shqiptare dhe ku publiku s’e pati kurrë dot, dinjitetin e konsumatorit të ushqimit shpirtëror.
