Detaje të reja/ Shpërthimi në Tiranë, si iu vu tritol hotelit në pronësi të Ervin Matës

Vijojnë të dalin detaje të reja nga shpërthimi i fuqishëm që ndodhi dje me tritol, pranë spitalit të QSUT në Tiranë.

Mësohet se ngjarja ka ndodhur te hotel Victoria, në pronësi të familjes së biznesmenit Ervin Mata, i fejuari i këngëtares Elvana Gjata, emri i të cilit u lakua në vrasjen e ndodhur në Ish-Bllok në tetor 2018.

Sipas informacioneve shpërthimi u dëgjua në orën 22:40 në një rrugicë të ndërmjetme mes një lokali dhe hoteli në rrugën e “Dibrës.”

Në cepin anësor të hotelit “Victoria” që e zotëron familja e Ervin Matës, nga hyrja e rrugës kryesore, autorët mësohet se shkuan me makinë, nuk zbritën, por nga dritarja e saj hodhën tritolin, i cili shpërtheu pas 4 minutash.

Fatmirësisht nga shpërthimi nuk ka të lënduar, por vetëm dëme të vogla materiale tek të dy objektet.

Kujtojmë se Ervin Mata u bë i njohur pas përfshirjes në ngjarjen e 4 tetorit 2018 në zonën e ish-Bllokut, në lokalin “Monopol”, ku mbeti i vrarë, Fabiol Gaxha dhe i plagosur rëndë Elion Hato dhe biznesmeni Ervis Martinaj.