Detaje nga atentati në Vlorë/ Breshëri plumbash në derë të shtëpisë, 6 të shoqëruar

Paraditen e sotme një atentat me breshëri plumbash ka ndodhur në Selenicë të Vlorës. Si pasojë e këtij atentati mbeti i plagosur 50-vjeçari Jetnor Xhaferraj.

Blutë e Vlorës fillimisht njoftuan se rreth orës 11:45, në rrethana ende të paqarta shtetasi Jetnor Xhaferraj, rreth 50 vjeç, dyshohet se pranë banesës së tij është plagosur me armë zjarri në dorë dhe ndodhet jashtë rrezikut për jetën.

Por duke iu referuar raportimeve, bëhet e ditur se 50-vjeçari është ndjekur nga autorët disa metra dhe kur ka qenë prandë derës së banesës u qëllua me breshëri plumbash.

Fatmirësisht, Xhaferraj ka mundur t’i mbijetojë atentatit duke marrë një plumb në dorë.

Sakaq, grupi hetimor nisi menjëherë hetimet për ngjarjen dhe dyshohet se atentati erdhi si pasojë e konflikteve të vjetra të familjes Xhaferraj.

Sipas informacioneve të deritanishme, mësohet se autorët pas të shënave janë larguar me shpejtësi në drejtim të Selenicës me një mjet tip furoistradë.