Dërgesa e çuditshme/ 11 mijë fara kanabisi nga Spanja për në Tiranë, arrestohet pritësi në Vlorë (EMRI)

Nuk kanë fund përpjekjet e trafikantëve për të kultivuar kanabis në Shqipëri.

Sipas informacioneve, pas dy operacioneve të zhvilluara nga Policia ditën e shtunë në Durrës dhe Kurbin, zbulohet se në Doganën e Tiranës, më 14 maj është zbuluar një pako e cila ka patur në brendësi plot 11 mijë fara kanabisi.

Ajo është dërguar me anë të postës me pako dhe për policinë është cilësuar e dyshimtë.

Mësohet se pakoja ka ardhur nga Spanja në adresë të një personi i cili tanimë është arrestuar. Ai është 30-vjeçari nga Vlora, Olsi Çaushaj.

Në udhëzimet e gjetura në këtë kuti, është parë, se farat kanë patur si specifikë mbjelljen me llampa, ndërsa një pjesë e vogël e tyre, do të mbilleshin jashtë.

Teknika e zgjedhur nga policia, ka qenë e tillë. Pasi u zbulua përmbajtja e pakos dhe u njoftua policia, grupi hetimor vendosi që këtë kuti ta dërgonte tek i zoti.

Në momentin që 30-vjeçari Olsi Çaushaj, banues në Vlorë, ka marrë pakon me 11 mijë fara, menjëherë është bërë ndërhyrja dhe ai është arrestuar.