Dalin EMRAT/ Dërgonin njerëz në SHBA me viza false, ja kush janë të arrestuarit që SPAK kërkon ti mbajë në burg

Detaje të reja kanë dalë nga dosja e SPAK për operacionin që u zhvillua mbrëmjen e djeshme, ku u lanë në qeli 15 persona pasi dërgonin qytetarë të ndryshëm me viza false në SHBA, Angli dhe Kanada.

Mes të arrestuarve janë 2 agjente krimesh dhe punonjës të Aeroportit të Rinasit.

Mësohet se hetimet për këtë grup kriminal zgjatën për 2 vite  dhe Gjykata e Posaçme kundër Krimit dhe Korrupsionit  ka dhënë masën “arrest me burg” për 15 persona, 7 të tjerë janë lënë në “arrest shtëpie” dhe për 2 të tjerë është dhënë masa e sigurisë “detyrim paraqitje”.

Klandestinët kalonin nëpërmjet tre korridoreve, (Shqipëri-Gjermani-R.Domenikane në Meksikë- SHBA; Shqipëri-Bullgari-Francë-Republika Domenikane- SHBA; Shqipëri-Francë-Londër-R.Domenikane-SHBA), por gjithashtu edhe në Kanada dhe në Mbretërinë e Bashkuar.

NJOFTIMI ZYRTAR I SPAK:

Në kuadër të hetimeve të deritanishme në proçedimin penal Nr.174/2019 për veprat penale “Falsifikimi i letërnjoftimeve, i pasaportave ose i vizave“, “Ndihma për kalim të paligjshëm të kufijve“, “Grup i strukturuar kriminal“ dhe “Kryerja e veprave penale nga organizata kriminale dhe grup i strukturuar kriminal“, parashikuar, përkatësisht nga nenet 189, 298/3, 333/a e 334 të Kodit Penal dhe mbi dyshimet e arsyeshme të bazuara në prova për rrethin e personave të përfshirë në veprimtari kriminale të falsifikimit të letërnjoftimeve, pasaportave e vizave më shumë se një herë dhe të ndihmës në më shumë se një herë për hyrje të paligjshme të shtetasve shqiptarë në një shtet tjetër pa leje qëndrimi, për qëllime fitimi – mbi kërkesën e prokurorit, Gjykata e Posaçme e Shkallës së Parë kundër Korrupsionit dhe Krimit të Organizuar Tiranë, me vendim Nr.52 datë 16.05.2020 caktoi masa sigurimi personale ndaj disa shtetasve.

Në datë 18.05.2020, policia gjyqësore ekzekutoi urdhërimin e prokurorit për caktim nga Gjykata e Posaçme e Shkallës së Parë kundër Korrupsionit dhe Krimit të Organizuar, të masave të sigurimit

“Arrest në burg”, bazuar në nenin 238 të Kodit të Procedurës Penale për shtetasit :

Bukurije Ahmetaj,
Elvis Ahmetaj,
Shkëlzen Avduli (Byberi, Gjoka, Popenga),
Elvis alias Fatmir Qema,
Klajdi Llika,
Eduard Haxhiu,
Altin Memaj,
Blerim Coka,

Admir Spahia,
Azem Tanushi,
Xhelil Dautaj,
Mark Gjinaj (Gjini),
Juxhin Tirana,
Ilir Ferati,
Gëzim Gjona,

Arrest shtëpie
Besjan Mustafa
Behar Ismailaj
Arjan Koldashi
Arselda Memaj
Besnike Tufa
Ervilma Bezati
Gëzim Breza

Detyrim paraqitje
Drita Sadriaj
Aida Cenaj