Berisha në protestë, thirrje për mosbindje totale civile: Duhet t’ja djegin tokën nën këmbë…

Nga protesta te sheshi para Ministrisë së Brendshme, ish-kryeministri Sali Berisha ka bërë thirrje për mosbindje totale civile.

Në një intervistë për mediat, Berisha është shprehur se qytetarët kudo që janë duhet t’i kthejnë përgjigjen e merituar kësaj qeverie që po dhunon 15 vjeçarë dhe qytetarë të shtrirë në tokë.

“Të gjithë anti diktatorialët e Shqipërisë duhet të ngrihen në mosbindje civile këtij shteti që shkelmon në një kafshëri barbare, që shkelmonte një njeri të shtrirë në tokë, ose siç ndodhi me 15 vjecarin te liqeni. Kudo ku janë, duhet t’ia djegin tokën nën këmbë këtij shteti. U bëj thirrje qytetarëve të japin pa hezitim përgjigjen e merituarë. Sot jeni të pambrojtur. Ky është një fillim i ri”, tha ndër të tjera Berisha.