Atentat mafioz, kush është i riu vlonajt që u vra me breshëri kallashnikovi sot në mëngjes

Një ngjarje e rëndë tronditi qytetin e Vlorës rreth orës 01:30 të mëngjesit të sotëm. 25-vjeçari Kristian Breshanaj është ekzekutuar me breshëri kallashnikovi në derën e shtëpisë.

Vrasja makabre është regjistruar në zonën e njohur “7 pallatet” tek uji i ftohtë në Vlorë.

Bëhet me dije se i riu është djali i një mjeku të njohur në qytetin e Vlorës dhe nuk kishte shumë që ishte kthyer nga Belgjika.

Në momentin kur i është bërë atentati, e gjithë rrugica ka qenë pa ndriçim duke përbërë një element avantazhues për atentaturorët, të cilët besohet të kenë qenë dy vetë.

Ndërkohë pa orë më vonë makina me të cilën është kryer vrasja dhe arma janë gjetur në një pjesë tjetër të qytetit të Vlorës e djegur tërësisht.