Arrihet konsensusi në Këshillin Politik

Ditën e sotme, për më shumë se dy ore ka vijuar mbledhja e Këshillit Politik për reformën zgjedhore, me dyer të mbyllura.

Diskutimet vazhdojnë të jenë të nxehta në përfundim të afatit për miratimin e kësaj reforme, e cila është caktura në datën 31 maj. Kjo u konfirmua nga Ambasadorja e Shteteve të Bashkaura, Znj. Yuri Kim.

Deri më tani, palët kanë gjetur konsensus për hetimin e krimeve zgjedhore.

Kjo çështje do t’i kalojë në hetim SPAK dhe jo prokurorisë së zakonshme, sipas dakortësisë së dy palëve. Ndërkohë, vazhdon debate për Policinë e Shtetit. Opozita kërkon që drejtori i Policisë së Shtetit para zgjedhjeve të emërohet nga një qeveri kujdestare. Por, kjo gjë kundërshtohet nga Partia Socialiste.