Duket se në prag të fundit të pandemisë së COVID19, spitali QSUT në Tiranë duket se është kthyer në një vatër të re infektimi.
Sipas të dhënave të Ministrisë së Shëndetësisë që u komunikuan sot, në 24 orët e fundit aty janë zbuluar 12 raste të reja të personelit mjekësor, doktorë dhe infermierë, zinxhir kontakti të personave që u konfimuan dje.
Mësohet se rastet e reja i përkasin repartit të sëmundjeve të brendshme në QSUT, ku që prej të hënës u janë bërë tamponet të gjithë stafit, dhe ditë pas dite po dalin raste të reja.
Por edhe pacientet nuk i kanë shpëtuar këtij infektimi, ku prej tyre kanë dalë të infektuar 8 persona.
Kujtojmë se shkak për këtë përhapje është bërë një infermiere, e cila rezultoi pozitive disa ditë më parë.
Tashmë ajo ndodhet e shtruar në Spitalin Infektiv, nga ku po merr kujdesin e nevojshëm shëndetësor.
