U prek nga koronavirusi, humb jetën mësuesi i shkollës private në Korçë

Mësuesi i jashtëm grek, i cili u infektua nga koronavirusi disa javë më parë dhe punonte në një shkollë private të Korçës, raportohet se ka ndërruar jetë.

Sipas informacioneve, ai ndodhej në Kostur të Greqisë, ku po merrte mjekimin e nevojshëm por nuk ka mundur të mbijetojë.

I ndjeri ishte 51 vjeç dhe baba i 4 fëmijëve dhe vuante nga sëmundje të tjera bashkëshoqëruese.

Kujtojmë se rasti u bë publik më 17 mars,  pas mbylljes së shkollave në Shqipëri për shkak të situatës së krijuar nga COVID19.

Më pas mësuesi shkoi për tu kuruar në Greqi, ndërsa të gjithë kolegët e tij që kishin patur kontakte me të, u vetëkarantinuan si masë sigurie.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern