LIGJET E BIZNESIT
Epidemiologu Taulant Muka në një lidhje direkte me emisionin “Byro Politike” ka deklaruar se qeveria duhet të lirojë masat, nëse shifra për 27 viktima është real dhe nuk ka fshehje të rasteve të tjera.
“Unë e kam dërguar mesazhin tim për të kontribuar me kapacitetet që unë kam. Jo vetëm që nuk kam marrë një ftesë por jam refuzuar dhe jam përbaltur. Ne i kemi numrat që unë kam parashikuar.Kam thënë se edhe nëse masat shkojnë mbi 80% po shkojnë 100 persona që ndërrojnë jetën. Modelet që unë solla i përkasin ecurisë së virusit në momentin kur unë e bëra. Nëse 27 personat janë numrat realë , është momenti të lirojmë masat, për ta zëvenëdësuar izolimin me masat inteligjente”, deklaroi Muka.
Më tej mjeku epidemiolog u ndal edhe te izolimi i fëmijëve duke e quajtur atë një problem social, ndërsa shtoi se sipas disa studimeve ata jo vetëm se nuk preken rëndë, por kanë përqindje të ulët të infektimit.
“Më shqetëson izolimi që i bëhet fëmijëve. Fëmijët janë shumë më të ulët për t’u infektuar. Në familje ku ka pasur pacientë të infektuar është vënë re fëmijët kanë përqindje të ulët të infektimit. Shumë vende të botës kanë parashikuar hapjen e shkollave për fëmijët“, përfundoi Muka.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
