LIGJET E BIZNESIT
Një pjesëtar i stafit mjekësor në Tajlandë ka vdekur pasi u infektua me koronavirus nga një person i vdekur, besojnë shkencëtarët.
Një punëtor i forenzikës ishte infektuar në Bangkok në atë që besohet se është rasti i parë i tillë në botë.
Hulumtuesit kanë paralajmëruar përmes një letre të publikuar në revistën për Forenzikë dhe Mjekësi Ligjore se punëtorët e forenzikës duhet të mbrohen nga infektimi që mund të vijë nga trupat e pajetë.
Organizatat shëndetësore, përfshirë OBSH-në, kanë bërë thirrje që personat që merren me trupat e pajetë të jenë të kujdesshmë, sepse ende nuk dihet plotësisht se si transmetohet virusi i ri.
“Aktualisht, nuk ka të dhëna për numrin e saktë të kufomave të kontaminuara COVID-19 sepse ato nuk kontrollohen në mënyrë rutinore, thanë dy shkencëtarët. “Sidoqoftë, kontrolli i infeksionit dhe masat paraprake universale janë të nevojshme.”
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Profesionistët e forenzikës duhet të veshin rroba mbrojtëse, doreza, syze mbrojtëse dhe maskë. Procedura e dezinfektimit që zbatohet në dhomat e operacionit mund të përdoret edhe në repartin e forenzikës”, thuhet në këtë letër.
Organizata Botërore e Shëndetit paralajmëron njerëzit që merren me trupat e vdekur të jenë të kujdesshëm sepse transmetimi i koronavirusit nuk është kuptuar ende plotësisht. Nga stafi kërkohet kujdes i veçantë sidomos nga kontakti i mundshëm me lëngjët trupore të viktimave.
Sipas Daily Mail, Tajlanda deri më tani i ka raportuar 2,613 raste të infektimit me koronavirus dhe 34 viktima.
Si krahasim, ekspertët e OBSH-së paralajmërojnë se mushkëritë e njerëzve që vdiqën nga gripi mund të jenë infektues ‘nëse trajtohen në mënyrë jo të duhur gjatë një autopsie’.
Ebola e cila është gjithashtu një virus mund të transmetohet nga gjaku ose lëngjet e trupit të njerëzve të vdekur, thonë ekspertët e Shëndetit të SHBA.
OBSH thotë se ‘nivelet e virusit Ebola mbeten të larta pas vdekjes’, që do të thotë se trupat e viktimave të Ebola duhet të varrosen menjëherë.
Shumë vende kanë ndaluar pjesmarrjet në ceremonitë mortore në mënyrë që të ndalojnë përhapjen e këtij virusi vdekjeprurës.
Burimi: Daily Mail
