Pse mund të jetë plagosur 50-vjeçari në Shkodër? Dyshimet paraprake

Pasditen e kësaj të marte, një plagosje me armë zjarri ka ndodhur në urën e Bunës në Shkodër, ku i plagosur mbeti 50-vjeçari Gëzim Bici. Ky i fundit u qëllua në qafë dhe në krahë.

Sipas informacioneve të deritanishme, dyshohet se pista kryesore që po hetohet është ajo e pronësisë.

Sipas burimeve nga policia, bëhet e ditur se autorët e dyshuar e kanë ndjekur për disa metra dhe më pas e kanë qëlluar.

Duke iu referuar informacioneve të fundit, mësohet se i plagosuri është duke iu nënshtruar një operacioni për të bërë nxjerrien e plumbave nga qafa dhe krahu. Gjendja e tij shëndetësore paraqitet e rëndë .

Ndërkohë, policia dhe grupi hetimor ndodhen në vendngjarje, ku po bëjnë të mundur zbardhjen e ngjarjes si dhe kapjen e autorit apo autorëve.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern