LIGJET E BIZNESIT
Një debat i fortë ka përfshirë deputetët e opozitës së re dhe kryetarin e Kuvendit Gramoz Ruci, në nisje të seancës së dytë parlamentare në kushte të jashtëzakonshme prej situatës së COVID19.
Sipas deputetit Kujtim Gjuzi, qeveria po bën shoë dhe më përpara ka kryer dhe afera me kryetarin e Partisë Demokratike Lulzim Basha në lidhje me rotacionin e pushtetit nga njëra parti në tjetrën.
Ai e ka nisur fjalimin duke iu drejtuar Ruçit, ndërsa ky i fundit ja ka kthyer duke i thënë se duhet të falenderonte liderin demokrat që e ka bërë deputet.
PJESE NGA DEBATI NE KUVEND
Gjuzi: Falenderoj parafolësit që u bashkuan me shqetësimin tim se kemi minuta të censuruara, pra na mbyllet goja. Ne jemi të përgjegjshëm, ne ishin ata që e lejuam qeverinë e Ramës të vazhdojë me Rilindjen, krimin, drogën etj, por nuk përzgjedh dot ai se kush drejton opozitën, ju keni thënë se do të mbani përgjegjësi për ministrin e Brendshëm, Basha për 4 vrasjet në Bulevard, pse se çoni para drejtësisë, apo për Rrugën e Kombit, pse nuk e çoni atje?
Ruçi: Nuk është Basha në këtë sallë, mos flisni, për procedurë është kjo?
Gjuzi: Për procedurë është kjo, mos më merr minutat
Ruçi: Nuk është, falenderoje Bashën se të bëri deputet
Gjuzi: Keni afera me Bashën, kërkoni të bëni rotacion, pse nuk e dërgoni atje, për të gjitha ato që akuzuat
Ruçi: Nuk është në këtë sallë, mos flisni
Gjuzi: Po përcani opozitën.
