Plas në PS/ Xhafaj kundër ndryshimeve të Kodit Penal: Të panevojshme dhe të keqshkruara, duhej konsultim me ekspertët

Pas ndryshimeve që pritet të miratohen në Kodin Penal nga mazhoranca, ditën e enjtë më 16 prill në Kuvend, ka ardhur dhe reagimi i ish-ministrit të Brendshëm Fatmir Xhafaj.

Ditën e sotme ai ka bërë një deklaratë të papritur në Komisionin e Ligjeve, duke thënë gjatë kohës që po diskutohej drafti, se këto ndryshime duhet të ishin konsultuar më parë me ekspertët dhe i cilësoi si të panevojshme dhe të keqshkruara.

‘Ndërhyrjet në kode janë ngjarje më rëndësi në një shtet të së drejtës. Duhet të jemi të kujdesshëm për këto nisma, nga kushdo që të vijnë, nga qeveria apo nga deputetët, sepse herë pas herë pasojat në jetët e njerëzve janë jetike.  S’duhet të jenë rrjedhe e emocioneve të politikës së ditës.

Duhet një konsultim i gjerë publik me ekspertët. Propozimet e sjella nga qeveria janë të panevojshme dhe të keqshkruara. Ato duhet të rregullohen dhe bëmë mirë që i shtymë.  (E ka fjalën për propozime në kodin penal që kanë të bëjnë me KCK). Sa u takon masave për sëmundjet efektive, duhet t’i reflektojmë edhe pse mund të çedojmë pak.

Qëllimi i koleges Bode në këtë rast janë të justifikuara. Janë qëllim-mira si ligjvënëse e mjeke. Ajo është ligjvënëse, por nuk është një eksperte. Kuvendi ta ndihmonte zonjën me ekspertizën e nevojshme. Ka pasur prezantim të keq në publik që prodhoi tension të panevojshëm’, u shpreh papritur Xhafaj.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern