Ditën e sotme Gjykata e Tiranës ka dhënë vendimin për të dënuar me 6 vite burg ish-efektivin e FNSH Flamur Karaj.

Ky i fundit ka plagosur kushëririn e tij për një gotë raki, ngjarje kjo e ndodhur më 3 qershor të 2019 në fshatin Dorëz të Tiranës.

Asokohe një konflikt i momentit ndodhi mes dy kushërinjve, i cili degradoi deri në përdorimin e armëve.

Për pasojë mbeti i plagosur Enver Karaj.

“Shkuam në fshat me nusen tek shtëpia e vjetër, aty erdhi Enveri (kushëriri). E qerasa me një gotë raki. Kërkoi sërish por i thash nuk jetojmë këtu e nuk kam më.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Ai filloi të ofendojë e godasë me dërrasë. U mbrojta, tentova ta largoj, por nuk munda. Në atë moment nxora armën. Jam i penduar për veprën e kryer, por ai më sulmoi”, është shprehur më herët ish-efektivi gjatë dëshmisë së tij.

Ndërkohë në sallën e gjyqit ish-efektivi Flamur Karaj ka deklaruar se është pajtuar me kushëririn lidhur me ngjarjen.