“PD ia fut kot!” Ramës nuk i del inati me kundërshtarët: Nuk e vendos qeveria sa teste bëhen

Kryeministri Edi Rama duket se nuk do ta ndalë betejën e tij në distancë me opozitën.

Së fundmi ai i është përgjigjur sërish Partisë Demokratike, pasi kjo e fundit ka bërë thirrje që të bëhen teste masive mbi popullsinë për koronavirusin.

Rama shprehet se PD ia fut kot edhe nuk është qeveria ajo që vendos për këtë por Komiteti Teknik i Ekspertëve.

“A mundet dikush t’ia thotë PD se qeveria nuk vendos sa teste bëhen a nuk bëhen?! Aq më pak qeveria mund të marrë mendjen e PD-së për këtë punë! Strategjinë e testeve e bën Komiteti Teknik i Ekspertëve dhe PIKË! Qeveria zbaton ato që vendos Komiteti dhe PIKË! PD i’a fut kot.PIKË!”, shkruan Rama në një reagim të fundit.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern