LIGJET E BIZNESIT
Ndryshe nga Shqipëria, në Kosovë situata e përballimit të koronavirusit nuk duket aspak e qetë dhe rastet ende nuk janë në ulje, sic po ndodhj në Shqipëri në javën e fundit.
Kryeministri në detyrë i Kosovës, Albin Kurti, ka paralajmëruar se prej mesit të muajit prill, masat për parandalimin e përhapjes së koronavirusit në vend do të jenë më rigoroze.
“Masat e kufizimit pas 13 prillit do të vazhdojnë e do të jenë edhe më rigoroze. Është e domosdoshme të kufizojmë lirinë e lëvizjes nëse nuk duam të përfundojmë në situate ku kollapsojmë”, ka thënë Kurti në Rtv21.
Ai shtoi se qeveria e tij, edhe pse në detyrë, pas votimit në Kuvend do të mundohet të marrë vendimet më të mira për qytetarët e Kosovës.
“Kaluan dy javë që na rrëzuan Qeverinë e tash jemi qeveri në detyrë. Jemi në një situatë ku asnjëri prej nesh nuk ka përvojë.Gjykata Kushtetuese na ka kontestuar në procedurë jo në përmbajtje”, është shprehur Kurti.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
