Nuk lejohen homazhet, por kjo është mënyra që shkodranët do nderojnë për herë të fundit aktorin Gëzim Kruja

Artisti i madh, humoristi shkodran Gëzim Kruja, do të përcillet sot për në banesën e fundit.

Për shkak të situatës së krijuar nga COVID19, nuk do të të ketë njerëz të pranishëm edhe as nuk mund të kryhen homazhe.

Por nga ana tjetër qytetarët shkodranë mesa duket e kanë gjetur një mënyrë për të nderuar aktorin e tyre të preferuar.

Drejtoresha e Teatrit të Shkodrës Rita Gjeka ka folur për mediat, duke u përlotur pasi Gëzim Kruja meriton shumë më shumë se kaq dhe se e gjithë kjo situatë është shumë e dhimbshme.

“Qenka shumë e rëndë, unë e kam dhimbjen shumë të madhe, sepse Gëzim meriton shumë më shumë. Është bërë një organizim i vogël, që nga dritaret do të dalin të gjithë e t’i japin duartrokitjen e fundit, kur të kalojë makina e funeralit. Është një gjë jashtëzakonisht e dhimbshme. Isha 14 vjeçe kur kam dalë për herë të parë në skenë me Gëzim Krujën, nuk do ta harroj kurrë. Ai i ka marrë dhe do vazhdojë t’i marrë duartrokitjet, sepse është i pavdekshëm, por do na mungojë”, u shpreh Gjeka.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Që prej kur nuk ishte mirë?
Ka një vit e gjysmë që nuk ishte mirë. Megjithatë, shokët e tij i organizuan një drekë për 80-vjetorin. Atij iu bë shumë qejfi me të, dhe mund të jetë takimi i fundit që ai pati me të gjithë shokët dhe miqtë bashkë. Ai ka ditur me i fal dashuri gjithkujt. Ne mund ta numërojmë Gëzimin si një person i përditshëm. Edhe pse nuk ishte njeri i teatrit, ai ka qenë përditë me ne.