Ka përfunduar Konferenca e Kryetarëve në Kuvendin e Shqipërisë, e cila u zhvillua online për të trajtuar zhvillimin e seancës plenare të së enjtes.
Përmes një postimi në rrjetin social facebook, Kryetari i Gupit Parlamentar të Partisë Socialiate, Taulant Balla deklaron se konferenca e kryetarëve miratoi programin dhe kalendarin e Kuvendit, duke i hapur rrugë Seancës së Kuvendit më 16 Prill.
Sipas Ballës, Kuvendi do të ndryshojë dhe rregulloren e tij për të përshtatur veprimtarinë e tij me situatën e krijuar.
Gjithashtu ai deklaron se në seancën e datës 16 Kuvendi do të votojë aktet normative të miratuara nga qeveria dhe nsryshimet në Kodin Penal.
Postimi i plotë i Taulant Ballës:
KUVENDI I SHQIPËRISË DO TË DISKUTOJË DHE VOTOJË AKTET NORMATIVE TË MIRATUARA NGA QEVERIA, BASHKË ME MASAT E REJA SHTRËNGUESE SI NDRYSHIME NË KODIN PENAL TË RS, NË KUSHTET E GJENDJES SË FATKEQËSISË NATYRORE DHE SPECIFIKISHT EPIDEMISË, TË CILAT DO TË MBROJNË POPULLIN NGA TË PABINDURIT E PAPËRGJEGJSHËM DERI NË FUND TË KËSAJ LUFTE. #njëAtdhe ?? #njëFamilje
