LIGJET E BIZNESIT
Mjeku i njohur Pëllumb Pipero, në një lidhje të drejtpërdrejtë me “Skype” për “News 24”, dha një lajm të mirë sa i përket përhapjes së COVID-19.
Sipas Piperos, momentet më kritike kanë kaluar për vendin tonë sepse numrat do vijnë duke u ulur, por kjo nuk do të thotë se me kaq përfundon zbatimi i masave, përkundrazi duhet të jemi të përgjegjshëm.
Mjeku infeksionist tha gjithashtu se ishte dakord që edhe masat kufizuese të lëvizjes të zbuteshin disi pasi lehtësimi i masave me pikatore, i jep gjallëri ekonomisë dhe ulin panikun tek qytetarët.
Fjala e mjekut infeksionist:
“Unë vazhdoj të mbetem i mendimit që këtë javë numrat do vijnë duke u ulur, por gjithësesi është herët për të festuar. Kjo është koha kur duhet të jemi të përgjegjshëm. Masat e marra duhet të na çojnë drejt një analize të gjërë të situatës që të ndërtojmë një strategji të re, për kontrollin të situatës. Unë kam qenë partizan i fillimit të lehtësimit të masave me pikatore, i japin gjallëri ekonomisë dhe ulin panikun, efekti psikologjik i motivon qytetarët, tregon që nëse zbatohen masat mundësia për të dalë është më e afërt. Por, nga ana tjetër duhet të ndërtohet monitorimi i situatës, të ketë shtim të testeve, mos të kufizohemi vetëm te rastet e kontaktit, të bëhen teste të shpejta në qendra të mëdha punësimi apo ndërmarrje, analiza seriologjike”, – tha Pipero.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
