Kryetari i Partisë Demokratike Lulzim Basha ka bërë sot një thirrje të fortë për qeverinë përsa i përket testimit masiv të popullsisë në lidhje me koronavirusin.
Për të disatën herë tashmë, Basha thekson se kjo është mënyra e vetme për të zbuluar se sa thellë është future sëmundja në secilën familje të shqiptarëve.
Lideri demokrat ka paralajmëruar kryeministrin se nëse nuk bën testim, gjurmin dhe izolim të rasteve, pasojat do të jenë shumë të rënda.
“Testimi masiv është e vetmja mënyrë për të zbuluar sa thellë është futur virusi në familjet tona. Pa testuar, pa gjurmuar, pa izoluar, pasojat do të jenë shumë të rënda!.
Është përgjegjësi e qeverisë që të mbrojë shëndetin e njerëzve, të pajisë me mjetet e duhura ekipet mjekësore dhe të mbajë në këmbë ekonominë. Sulmet kundër opozitës nuk i fshehin dot dështimet e tij”, thekson Basha.
