LIGJET E BIZNESIT
Prej rreth dy javësh Prishtina është në karantinë, por, sot kryeqyteti i Kosovës u gjallërua prej tingujve të Sabri Fejzullahut nga stadiumi “Fadil Vokrri”.
Ka qenë kjo një ide e inicuar nga Komuna e Prishtinës, që në mes të një lufte pandemie siç gjendet edhe Kosova, të organizohet një koncert nga stadiumi “Fadil Vokrri”, ku do të interpretonte i madhi Sabri Fejzullahu.
Pas përfundimit të interpretimit të tij të shkëlqyer, këngëtari është duartrokitur nga qytetarë të shumtë, të cilët vlerësimin e madh për performancën e tij po e shprehin edhe përmes rrjetev sociale.
Kryebashkiaku i Prishtinës, Shpend Ahmeti, nëpërmjet një postimi në “Facebook”, deklaroi se koncerti i sontëm përcolli lot, emocione, kënaqësi, por mbi të gjitha ngritje morali, solidaritet dhe shpresë, njofton “Klan Kosova”.
“Lot, emocione, kënaqësi por mbi të gjitha ngritje morali, solidaritet e shpresë. Axha Sabri, sonte e gjithmonë Prishtina të ka zemër! E ty Prishtinë veç Dashni! #rriNshpi”, -shkroi kryebashkiaku Ahmeti në “Facebook”.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
