Së fundmi në një puntatë të emisionit “Stop” u paraqit një pensioniste nga Durrësi me emrin Drita Shehu, e cila pretendoi se nuk ka marrë pensionin për disa muaj, dhe u shpreh se nuk ja kanë dërguar në banesë.
Por pas kësaj kronike ka reaguar Posta Shqiptare duke përgënjeshtruar lajmin dhe ka sqaruar me një reagim zyrtar, se si qëndron e vërteta.
Kështu, menjëherë pas pretendimit të pensionistes, Posta e Durrësit është vënë në lëvizje, ku Drejtoresha e Shërbimeve të këtij filiali ka vizituar personalisht të moshuarën për të verifikuar rastin.
Pensionistja në prani të përfaqësueses së Postës Shqiptare ka pranuar që pensioni i është dërguar në banesë, cdo muaj sipas datave të përcaktuara.
REAGIMI ZYRTAR I POSTES SHQIPTARE
Duke marrë shkas nga publikimi i një kronike në një nga emisionet investigative më prestigjoze të vendit, emisionit “Stop” ?, ku një pensioniste ? shprehet se nuk i është dhënë pensioni për disa muaj, ?? Drejtoresha e Shërbimeve të Filialit të Postës Durrës, ka vizituar personalisht pensionisten në fjalë, për të verifikuar rastin.
Në prani të përfaqësueses së Postës Shqiptare, pensionistja znj. Drita Shehu, ka pranuar që pensioni i është dërguar në banesë ? çdo muaj nga postieri ynë ??✈️sipas datave të përcaktuara.
Çdo rast i shpërndarjes së pensioneve është lehtësisht i verifikueshëm pranë Postës Shqiptare dhe aktualisht po punojmë me standartet më të larta të transparencës, si për mediat, ashtu edhe për popullatën.
Tërheqja e pensionit nga ana e saj është e vërtetuar me dokumentin e dorëzimit dhe mandatin e pagesës të firmosur prej saj.?
Ftojmë të gjitha mediat që në rastet kur bien në kontakt me problematika të tilla, para publikimit të tyre të komunikojnë me Postën Shqipare, në mënyrë që të mund të marrin konfirmimin zyrtar për çështjen dhe të bëhen partnerë në kauzën tonë të shpërndarjes së pensioneve në adresë, për të gjithë pensionistët e Republikës së Shqipërisë.
Jo vetëm në këto ditë të vështira, por gjithmonë Posta Shqiptare i ka shërbyer me përkushtim të gjithë pensionisteve ??? si dhe po vazhdon punën intensivisht për përshpërndarjen e të gjithë pensioneve në adresë të secilit prej tyre.?
Jemi në shërbimin tuaj dhe pranë jush në këto ditë të vështira!
Të gjithë bashkë do ia dalim! ??❤
