Dosje të prapambetura në Gjykatën e Lartë, Ambasada e SHBA jep njoftimin e rëndësishëm

Ambasada e SHBA-së në Tiranë përmes një njoftimi ka bërë të ditur se do të ndihmojë gjyktën e Lartë në lidhje me stokun e dosjeve të prapambetura.

Ndërkaq, duke iu referuar postimit në rrjetin Social Facebook, Ambasada e SHBA njofton se janë 35-mijë dosje në Gjykatë të cilat presin ndërsa më tej shton se për të zgjidhur problemin, USAID dhe Këshilli i Lartë Gjyqësor Shqiptar nënshkruan një Memorandum Mirëkuptimi më 29 prill.

Postimi i plotë:

Gjykata e Lartë ka aktualisht pothuajse 35,000 dosje të prapambetura. Për të zgjidhur këtë problem, USAID dhe Këshilli i Lartë Gjyqësor Shqiptar nënshkruan një Memorandum Mirëkuptimi më 29 prill, për të ofruar ndihmën teknike të nevojshme. Sipas kësaj marrëveshjeje, një ekip i veçantë avokatësh të zotë shqiptarë do të punësohen për të ndihmuar gjykatën që të veprojë me më shumë efikasitet dhe të mundësojë që gjykatësit të marrin vendime më shpejt.

Ashtu siç Shtetet e Bashkuara mbështetën fuqimisht miratimin e reformave gjyqësore, ashtu ne mbështesim fuqimisht zbatimin e plotë dhe në kohë të këtyre reformave. Drejtësia e vonuar është drejtësi e mohuar. Ne presim të shohim numrin e prapambetur të këyre çështjeve që zvogëlohet sa më shpejt që të jetë e mundur.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern