LIGJET E BIZNESIT
Një i akuzuar për trafik droge ka tentuar sot të arratiset nga burgu i Tepelenës.
Më pas policia është vënë në ndjekje të tij dhe e ka arrestuar 500 metra më larg.
Të parët që kanë vënë re mosprezencën e tij kanë qenë gardianët.
Sipas informacioneve personi në fjalë është shtetasi Eduard Çakaj, i cili ka qenë sot në gjyq.
Në momentin që furgoni që e transportonte ka hyrë në ambientet e brendshme të burgut, i dënuari ka zbritur nga mjeti dhe është larguar me shpejtësi.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Çakaj qëndronte në ambientet e paraburgimit pasi ishte arrestuar nga policia me akuzën për trafik lëndësh narkotike.
NJOFTIMI ZYRTAR I POLICISE
Rreth orës 12:10 të ditës së sotme, shtetasi E. Ç., banues në Memaliaj, i cili vuante dënimin në IEVP Tepelenë është larguar në drejtim të fshatit Bënçë. Menjëherë është organizuar puna nga sherbimet e Komisariatit të Policisë Tepelenë për kapjen e këtij shtetasi.
Në orën 12:30 shtetasi i mësipërm është kapur nga punonjësit e Policisë Tepelenë dhe shërbimet e IEVP Tepelenë.
