COVID-19 ‘pushton‘ botën, por kush janë 10 vendet që ende nuk janë prekur

Koronavirusi i ri COVID-19 prej më shumë se 1 muaj tashmë të gjithë botën e ka vënë në pushtetin e tij. Qytete të mbylluar, shtete të izoluara, rajone me miliona banorë në karantinë, mbi 1.2 milionë të infekruar dhe mbi 60 mijë viktima, ky është bilanci i kësaj pandemie të pashoq në historinë moderne të njerëzimit.

Por në kohën, kur shteti më i fortë i botës, SHBA ka mbi 300 mijë të infektuar dhe dhjetëra shtete të dorës së parë janë duke luftuar me të gjitha forcat dhe çdo ditë numërojnë nga qindar viktima, janë edhe 10 shtete që ende nuk janë prekur nga ky virus.

Bëhet fjalë për Korenë e Veriut, Taxhikistanin, Turkmenistanin, Jemenin, Sudanin Jugor, Koromos, Malaui, Lesothos, Sierra Leone dhe Sao Tome. Këto shtete, që në pjesën dërrmuese të tyre qeverisen nga sisteme diktatoriale deri më sot nuk kanë raportuar asnjë rast infeksioni nga COVID-19.

Edhe pse dyshohet shumë në vërtetësinë e këtij informacioni, ashtu siç dyshohet edhe te Kina që mundi t’ia hedhë paq vetëm me 5 mijë viktima, zyrtarisht nga OBSH këto vende njihen si vende që nuk janë prekur nga virusi.