Fakti që në Greqi është ulur numri i të prekurve dhe viktimave nga koronavirusi, shteti fqinj ka filluar të bëjë gati planin për rihapjen e vendit.
Sipas mediave të huaja, faza e parë e rihapjes nis më 4 maj dhe duke nisur nga kjo datë qytetarët nuk do të duhet të kërkojnë autorizim për të lënë shtëpitë.
Gjithashtu mësohet se në këtë datë do të lejohen dhe dyqanet dhe parukeritë të hapen.
Më 11- 18 maj janë datat kur do të hapen për herë të parë pas mbylljes kafet, bare dhe restoranet por po ashtu edhe institucionet arsimore si shkolla dhe universitete.
Hotelet më pas do të hapen në qershor saktësisht në datën 15 qershor.
Për momentin në Greqi janë shënuar 2235 të infektuar dhe 110 viktima.
