LIGJET E BIZNESIT
Kryetari i Partisë Demokratike, Lulzim Basha mbrëmjen e djeshme ka dalë në rrugët e kryeqytetit për të parë nga afër punën e punonjësve të policisë dhe për t’i përshëndetur ata.
Në disa foto të publikuara në rrjetet sociale, Basha kërkon që policët të trajtohen me një shpërblim financiar për gjithë sakrificat që janë duke bërë në këto ditë të vështira.
Duke iu bashkuar thirrjes së sindikatës së policëve, kryedemokrati thekson se policët, ashtu si mjekët janë në frontin e parë të përballjes me këtë virus.
Postimi i Bashës:
Mbështes plotësisht kërkesën e drejtë të Sindikatës së Policisë për shpërblim suplementar për punonjësit e policisë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Ashtu si çdo qytetar i këtij vendi jam dëshmitar për kushtet e vështira në të cilat ata po punojnë. Pas personelit shëndetësor, punonjësit e policisë janë në vijën e parë dhe ndër më të ekspozuarit ndaj rrezikut. Ata janë në shërbim me dhe pa orar në të gjithë vendin.
I bëj thirrje qeverisë që të gjejë mundësinë për të akorduar shpërblim financiar për punonjësit e policisë në krye të detyrës, dhe u kërkoj qytetarëve bashkëpunim të plotë dhe mirëkuptim e mbështetje për punonjësit e policisë në mënyrë që bashkarisht dhe duke u mbështetur tek njeri-tjetri ta tejkalojmë këtë situatë me sa më pak dhimbje.
