LIGJET E BIZNESIT
Pas viktimave që ka shënuar ditën e sotme dhe dje koronavirusi në Shqipëri, ka ardhur dhe reagimi i kryeministrit Edi Rama.
Ai shprehet se kjo javë që sapo hymë është tejet e vështirë dhe se po humbasim njerëz.
Megjithatë ai nuk harron që të bëjë thirrje që të gjithë qytetarët të rrinë brenda në shtëpi.
Sipas Ramës, kemi vetëm një gjë në dorë, të mos dalim jashtë pa arsye dhe të zbatojmë gjithë rregullat.
Ndërkohë në postim ka shpërndarë edhe një video nga Amerika, ku një eksperte e shëndetit flet lidhur me rrezikun e koronavirusit dhe masat që duhen marrë për ta mbajtur larg atë. Rama thekson se ajo video ka qënë më e shikuara ditën e djeshme në SHBA, vend që brenda pak ditëve ka shënuar qindra viktima nga pandemia .
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“Kemi hyrë në një javë tejet të vështirë dhe po humbasim njerëz. Kemi vetëm një gjë në dorë për të kursyer sa më shumë jetë dhe lehtësuar sa të mundemi vuajtjet e mëdha: të shtrëngojmë dhëmbët dhe durojmë, durojmë, durojmë, duke mos shkelur ligjin e luftës për kufizimin e lëvizjes; duke mos dalë nga shtëpia kot; duke ecur vetëm në rrugë kur kemi një domosdoshmëri jashtë shtëpisë; duke ndenjur në radhë në distancë minimumi 1 metër pas kurrizit të njëri – tjetrit kur bëjmë pazar; duke rezistuar, rezistuar, rezistuar,“-shkruan Rama në postimin e tij.
