“Mjekët e rikthyen në jetë” mjeku Pipero flet për gjendjen e pacientit me COVID19 në spitalin Infektiv

Mëngjesin e sotëm një pacient 61-vjeçar i infektuar me koronavirus, pësoi vdekje klinike.

Ndërkohë mjeku infeksionist Pëllumb Pipero ka dhënë informacion mbi gjendjen e tij.

Pipero tregoi detaje duke zbuluar se kanë qenë mjekët ata që e kanë kthyer në jetë pacientin, por për fat të keq ai ende vijon të jetë në gjendje të rëndë shëndetësore.

Ndër të tjera, mjeku tregoi se janë më shumë se 40 persona të shtruar te spitali Infektiv.

“Situata në shërbimin e sëmundjeve infektive është shumë dinamike, sa i takon shtrimeve të rasteve të reja, ndjekjes në dinamikë të rasteve të shtruara në të në të gjitha pavionet. Kemi më shumë se 40 të shtruar në spital. Secili ka problematikën e tij në varësi të moshës dhe sëmundjeve kronike.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Kemi raste që janë relativisht mirë dhe shpresojmë nga dita në ditë t’i nxjerrim, kemi raste të rënda, kemi dhe raste shumë të rënda sikundër janë pacientët e shtruar në repartin e terapisë intensive, midis të cilëve njëri nga rastet sot në mëngjes ka bërë vdekje klinike, vdekje që zgjati relativisht gjatë, por pa e humbur shpresën e mjekëve për ta kthyer atë në jetë, fatmirësisht u kthye në jetë, por vazhdon të jetë ende rëndë. Në këtë lloj dinamike të zhvillimit të pandemisë në vendin tonë, të rasteve të shtuara dhe të konfirmuara çdo ditë, i them qytetarëve të jenë të duruar, të qëndrojnë sa më gjatë në shtëpi dhe mjafton të telefonojnë 127″, u shpreh Pipero.