Janë konfirmuar 23 raste të reja me koronavirus në Shqipëri, duke e cuar kështu numrin e të prekurve në 146.
Këto të dhëna janë komunikuar nga zv.ministrja e Shëndetësisë Mira Rakacolli.
Vetëm 24 orët e fundit janë kryer 111 testime, nga ku 23 prej tyre kanë rezultuar pozitivë.
Gjithsej deri më sot janë testuar 1041 raste të dyshuara dhe të konfirmuar janë 146 qytetarë.
Harta e të infektuarve është shtrirë dhe në Krujë dhe zgjeruar në Tiranë Korçë, Fier, Durrës, Lezhë, përveç rasteve të zbuluar për të cilat po kryhet hetimi epidemiologjik dhe ku po punohet me shumë intesitet nga epidemiologët për gjurmimin e kontakteve të rasteve pozitive dhe ndërprerjen e zinxhirit të transmetimit të infeksionit.
Shpërndarja gjeografike e rasteve pozitive, është si vijon:
- Tiranë 83 qytetarë
- Durrës 9 qytetarë
- Lushnje 4 qytetarë
- Elbasan 3 qytetarë
- Fier 14 qytetarë
- Rrogozhinë 2 qytetarë
- Kavajë 4 qytetarë • Korcë 11 qytetarë
- Vlorë 5 qytetarë • Shkodër 3 qytetarë
- Lezhe 4 qytetarë
- Berat 1 qytetarë
- Has 2 qytetarë
- Krujë 1 qytetar
“Ju informojmë se në spitalin Infektiv ndodhen aktualisht 72 pacientë të shtruar, 4 prej tyre janë në terapi intensive (3 pacientë janë të intubuar në gjenje të rëndë). Ndërsa pjesa tjetër e të shtruarve në pavion janë në gjendje të stabilizuar deri në këto momente”, thuhet ne njoftimin e Ministrisë.
