LIGJET E BIZNESIT
Një lajm që tronditi opinionin publik ditën e djeshme, ishte dhe vdekja e një 48-vjeçari nga Kavaja në spitalin infektiv për shkak se ishte i prekur nga koronavirusi.
Ndërkohë mjeku infeksionist Arjan Harxhi ka treguar më shumë detaje në lidhje me këtë ngjarje të rëndë.
I ftuar në programin “Real Story” , Harxhi u shpreh se 43-vjeçari ishte pak mbipeshë po nuk vuante nga probleme të tjera shëndetësore.
Ai shtoi se kjo sëmundje në individë të caktuar ka dhe ecuri të rëndë që ju merr dhe jetën.
“I ndjeri humbi jetën në reanimacion. Dy ditë ka qenë në pavion pastaj kur filloi të shfaqte shenjat e rëndesës pacienti u transferua në kujdes intensiv për një terapi më intensive por për fat të keq nuk i rezistoi këtij vrulli të madh të kësaj sëmundje që i mori jetën. Nuk kishte që ato tradicionalisht që i kemi përmendur por ishte pak mbipeshë. Ishte i shëndetshëm.
Ndodh ajo që ka ndodhur me mijëra raste të tjera që kjo sëmundje në individë të caktuar ka një ecuri të rëndë, fulminante, severe për arsye të ndryshme, qoftë me formën e sëmundjes, me reagimin e organizimit, me gjendjen e tij imunitare që çon në këtë lloj çedimi, në këtë lloj situate të rëndë.
E kemi parë dhe në literaturë në raste të tjera. Mesazhi i Fundit të OBSH është që kjo sëmundje nuk kursen jo veç për përhapjen e infeksionit por dhe nga rëndesa as moshat e reja. Duhet të jenë më të kujdesshëm”, u shpreh Harxhi.
