Të kafshosh një limon mund të ndihmojë të shpëtosh nga një krizë ankthi

Një burrë nga SHBA pretendon se të kafshosh një limon mund të të ndihmojë të kalosh një episod të vështirë si një atak paniku.

Eric Zink nga Kalifornia i këshillon të gjithë njerëzit që vuajnë nga ankthi të mbajnë gjithmonjë të paktën një limon me vete sepse do t’i ndihmojë që të kalojnë çdo lloj krize. 39-vjeçari ka luftuar kundër ankthit, OCD-së dhe depesionit, si dhe me varësinë nga drogërat dhe alkooli. Përmes terapisë ai ja ka dalë që të kalojë shumicën prej tyre, megjithatë ai ende vuan nga atakët e panikut dhe përdor rrjetet e tij sociale si një vend për të ndarë me njerëzit që vuajnë nga e njejta gjë eksperiencat e tij dhe këshilla të ndryshme.

Një video ku ai kafshon një limon është bërë virale dhe ka marrë me miliona shikime, duke u shpëndarë në shumë platforma sociale. Aty ai thotë se duhet ta mbash limonin në dorë kur je duke kaluar një krizë paniku dhe mund ta shtrëngosh fort dhe ta kafshosh. Kjo gjë do të ndihmojë shumë sipas tij, sepse siç e dini limonët janë të tharët. Nëse i kafshon në atë moment, shija e tyre e tyre e keqe do bëjë që të gjithë mendimet e tua të përqëndrohen aty, duke bërë që çdo gjë tjetër të anashkalohet. Pra bën që të gjithë shqisat dhe ndjesitë tua të përqëndrohen në një vend dhe kjo të ndihmon që të kalosh në moment atakun e ankthit apo momentin e depresionit.

Ndonjëherë këto kriza përjetohen aq shumë nga njerëzit sa mendojnë se po kalojnë një atak kardiak apo më keq. Limonët janë zgjidhja që t’i kalosh me sukses sipas Zink, të ndihmojnë ta luftosh këtë gjendje.

Eric, ndan video të tilla si kjo për të ndihmuar njerëzit që kanë kaluar në sfida të ngjashme si ai. ”Unë mendoj se kur shohim të tjerët që kalojnë nëpër beteja, na kujton se nuk jemi vetëm.”- thotë ai.