LIGJET E BIZNESIT
Edhe pse gjithë bota është në luftë me koronavirusin, ku masat e rrepta kanë përfshirë të gjithë njerëzimin, duket se ka dhe nga ata që nuk e respektojnë aspak karantinën dhe vetëizolimin e shumë rekomanduar.
Rasti më i fundit raportohet nga Italia, ku një grup prej 12 personash janë zbuluar nga policia në një park duke bërë piknik.
Justifikimi që ata përdorën ishte me të vërtetë i habitshëm.
E gjithë kjo sjellje është në kundërshtim me rregullat dhe urdhërin e qeverisë së Italisë, e cila po përballet me shifrat alarmante të viktimave dhe të prekurve në të gjithë territorin.
“Karabinierët e stacionit Varcaturo në Campania denoncuan 12 persona të cilët, megjithë rregullat e qeverisë kundër-infektimit, kishin organizuar një piknik në natyrë në një park në Via Madonna del Pantano. Kishin marrë me vete karrige, tavolina dhe ushqime të ndryshme. 12 personat e justifikuan duke thënë se, pas 5 ditësh të mbyllur në shtëpi, u duhej të merrnin pak ajër. Të gjithë do të përgjigjen për mosrespektimin e masave të urdhëruara nga qeveria”, raporton ANSA.
