Si ka mundësi që në një familje njëri preket nga koronavirusi të tjerët jo? Ja si përgjigjet shefja e Epidemiologjisë

Së fundmi ka ndodhur edhe fakti që një person i një familje është infektuar nga koronavirusi dhe të tjerët jo.

Këtë fenomen e shpjegon shefja e Epidemiologjisë në Institutin e Shëndetit Publik, Eugena Tomini.

Në një lidhje direkte në programin “Opinion” ajo tregon dhe arsyet se përse ndodh një gjë e tillë.

“Është një transmetim përmes spërklave. Aftësia për të shpërndarë spërkla nëpërmjet të folurit, teshtimës ose kontaktit të ngushtë, bën që personi të jetë receptiv kundrejt spërklave të virusuara. Kjo tregon edhe viruslencën e virusit, sa ka qenë virusi prezent në spërklat e personit të infektuar.

Gjithsesi mbetet për tu studiuar, sepse ne themi që kontaktet e ngushta janë grupi më i rrezikshëm që mund t’i transmetohet infeksioni nga një person i infektuar, dhe ndaj ne këta persona i vendosim në vetëizolim dhe i monitorojmë për 14 ditë”, theksoi Tomini.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Ndër të tjera ajo shtoi se personat e prekur nga koronavirusi që janë të shtruar në spital dhe janë nën moshën 65-vjeçare nuk kanë sëmundje bashkëshoqëruese.

Ndërsa ata mbi 65-vjeç kanë sëmundje kronike por jo evidente për të shkaktuar një situatë të agravuar shëndetësore.