Shtohen rastet/ Infermierja nga Lezha dyshohet me koronavirus, nuk dihet si u infektua

Hartës së të infektuarve nga COVID19 në Shqipëri, duket se do ti shtohet edhe qyteti i Lezhës.

Bëhet fjalë për një infermiere 54-vjecare, e cila në testin e bërë mbrëmë ka rezultuar pozitive.

Rasti pritet të bëhet publik dhe nga ministria e Shëndetësisë.

Ende nuk dihet si është infektuar infermierja në fjalë, por mësohet se janë marrë masa urgjente për të izoluar dhe kolegët për shkak të dyshimeve se dhe ata mund të jenë prekur.

Ajo është dërguar mbrëmë te spitali Infektiv në Tiranë, dhe pritet që në bazë të gjendjes së saj të vendoset nëse do të rrijë atje apo do dërgohet në ambientet e shtëpisë për tu vetëkarantinuar.