“Shqiptarët bënë një gabim të rëndë” Paralajmëron mjeku: I njëjti veprim solli dhe kaosin në Itali

Në situatën që është krijuar në Shqipëri për shkak të frikës së përhapjes së koronavirusit, paralajmërime të forta vinë dhe nga mjekët.

Së fundmi Pëllumb Pipero, mjek infeksionist ka komentuar veprimin që qindra qytetarë kanë udhëtuar familjarisht për fundjavë në drejtim të qyteteve të tjera.

Ai shprehet se ky ishte një gabim i rëndë, ku të njëjtën gjë bënë dhe italianët që më pas shkaktoi kaosin, ku vendi fqinj u bë një nga më të prekurit në botë nga koronavirusi.

“Duhet të ketë masa edhe më drastike. Për arsye se kur po vija këtu mora vesh që sot duke pasur frikë që nesër nuk mund të lëvizësh më me qindra ndoshta automjete apo shqiptarë kanë udhëtuar nga Tirana në drejtim të Korçës, nga Tirana në drejtim të Shkodrës, në drejtim të Lezhës për të bërë fundjavën.

Besoj që kanë bërë apo po bëjnë një gabim shumë të rëndë dhe është gabimi të cilin bëri Italia në fazat e para të kësaj epidemie duke lejuar veriun të ikte në jug dhe u shpërnda në gjithë Italinë.

Përmes jush bëj një thirrje tjetër, mirë që vajtën, por të bëhet një urdhër i prerë që nesër të mos hapet asnjë lokal, asnjë restorant, asnjë dyqan. Kanë bërë gabim, është gabim shumë i rëndë që bëhet në këtë situatë. Është gabim shumë i rëndë”, deklaroi mjeku Pipero nga studio “Opinion” në Tv Klan.