Shokuese/ Në këtë shtet çdo 10 minuta, një person humb jetën nga koronavirusi

Zëdhënësi i Ministrisë së Shëndetësisë së Iranit, Kianoush Jahanpour përmes një postimi në Twitter ka tronditur opinion publik.

Jahanpour shprehet se çdo 10 minuta, një iranian vritet nga koronavirusi.

Zv.Ministrja e Shëndetësisë Alireza Reisi deklaroi se 147 persona vdiqën gjatë një periudhe 24-orëshe, ndërsa u konfirmuan 1.192 raste të reja, duke e çuar totalin në 17.361. Një mjek që punonte në një spital të Teheranit vdiq të enjten. Deri më tani, 10 mjekë dhe katër infermierë kanë vdekur nga COVID-19 në Iran.

Sipas të dhënave të përpiluara nga Universiteti Johns Hopkins me qendër në SHBA, mbi 219.000 raste janë raportuar në të gjithë botën që nga dhjetori i kaluar. Numri i vdekjeve tani është mbi 8.900, me më shumë se 84.000 pacientë të shëruar plotësisht.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern