Shkaktoi aksidentin me 1 viktimë e 8 të plagosur, policia vë në pranga shoferin

Një aksident i rëndë u shënua pasditen e djeshme në aksin rrugor Tiranë-Fushë Krujë, ku humbi jetën një person dhe u plagosën 8 të tjerë.

Ndërkaq, policia njofton se ka arrestuar shoferin e mjetit tip “Benz”, shtetasin me iniciale H.Sh, 45 vjeç, banues në Tiranë.

Mësohet se ai ishte në gjendje të dehur në momentin që ka shkaktuar aksidentin.

Kujtojmë se mjeti që drejtohej nga 45-vjeçari tashmë i arrestuar është përplasur me një makinë tip “Volkswagen” dhe më pas me një autobus.

Nga përplasja e fortë ka humbur jetën drejtuesi i mjetit tip “Volkswagen”, shtetasi F.Xh.,59 vjeç.

Ndërsa të plagosur sipas informacioneve kanë mbetur htetasit V.Xh.,A.Xh.,R.D.,M.D.,T.Gj.,K.Gj.,T.L.,Xh.L., pasagjerë në mjetet “Volkswagen” dhe autobus “Benz”.

Ata ndodhen në spital jashtë rrezikut për jetën.

NJOFTIMI ZYRTAR I POLICISE

Arrestohet H.Sh,45 vjeç, banues në Tiranë. Ky shtetas në aksin rrugor Tiranë – Fushë Krujë, në Tapizë, duke drejtuar mjetin tipduke drejtuar mjetin tip “Benz” në gjendje të dehur dhe pa leje drejtimi. “Benz” është përplasur me mjetin tip “Volkswagen” e më pas është përplasur me mjetin autobus tip “Benz”. Si pasojë e përplasjes ka ndërruar jetë në vend drejtuesi i mjetit tip “Volkswagen” shtetasi F.Xh.,59 vjeç, si dhe kanë mbetur të dëmtuar shtetasit V.Xh.,A.Xh.,R.D.,M.D.,T.Gj.,K.Gj.,T.L.,Xh.L., pasagjerë në mjetet “Volkswagen” dhe autobus “Benz”, të cilët ndodhen në spital jashtë rrezikut për jetën.