Shiu i furishëm shemb urën në Çerravë/ Rrezikohen 10 familje nga përmbytjet në Krujë

Moti i keq i orëve të fundit ka shkaktuar shembjen e urës në njësinë administrative Çerravë si pasojë e prurjeve të shumta.

Kryetari i bashkisë Ilir Xhakolli dhe punonjës të Ndërmarrjes së Punëve Publike ishin në zonë ku panë nga afër problematikën dhe zgjidhjen e saj sa më shpejt.

Sipas nënkryetarit Paskalino Ziko do të merren masa të menjëhershme për të bërë të mundur rindërtimin e urës prej 12 metrash me konstrukt metalik në mënyrë që të rivendoset lëvizja e banorëve.

Në 48 orët e fundit në Pogradec ka pasur reshje të shumta shiu ndërkohë që ndërhyrje janë duke u bërë edhe në lumin e Starovës dhe Vërdovës.

Në Murqin të Krujës rrezikohen afro 10 familje, pasi shiu i rënë dy ditët e fundit ka bërë qe lumi i Ishmit të fryhet dhe afër grykëderdhjes të dali nga shtrati.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern