Rritet numri i personave të prekur nga koronavirusi në Greqi

Në Greqi ka shkuar në 73 numri i të prekurve nga koronavirusi. Ndërsa, sot i prekuri i radhës është lajmëruar nga Ministria e Shëndetësisë.

Ndër të tjera, kjo e fundit ka bërë të ditur se shumica e personave që kanë rezultuar të prekur kanë qenë për vizita në Egjipt ose Izrael. Ndërkohë, fatmirësisht deri më tani nuk ka asnjë viktimë nga koronavirusi në Greqi, ndërsa në Itali shifrat janë alarmante ku numri i të prekurve ka shkuar mbi 5000 ndërsa i të vdekurve ka shkuar mbi 233.

Mirëpo si duket numri i të prekurve po vijon të rritet me shpejtësi edhe në Greqi dhe kjo ka shkaktuar panik tek  qytetarët.