“Rreth 600 të burgosur do të lënë qelinë” Ministrja e Drejtësisë jep lajmin e rëndësishëm

Një pjesë e të dënuarve në Shqipëri do të përfitojnë nga akti normative që qeveria ka nxjerrë për të karantinuar një pjesë të tyre në banesë.

Detajet e mëtejshme se kush përfiton, i ka sqaruar ministrja e Drejtësisë Etilda Gjonaj, e cila ka deklaruar se do të përfitojnë rreth 600 të burgosur.

Përsa i përket kushteve, ata Ata që do të përfitojnë duhet t’u kenë mbetur 3 ose më pak vite burgim, të mos jenë dënuar për vepra të rrezikshme penale dhe të mos jenë nën hetim për vepra të tjera.

Gjithashtu do të përfitojnë edhe të burgosurit që u kanë mbetur 5 ose më pak vite burgim, por duhet të jenë mbi 60 vjeç ose me sëmundje kronike.

Të burgosurit që do të përfitojnë do të nënshkruajnë një deklaratë, ku tregohet pëlqimi i familjarëve për t’i mbajtur në shtëpi.

“Kemi rritur kontrollin shëndetësor për ata që vuajnë nga sëmundjet kronike.
Takimet e të dënuarve me fmiljarët janë zëvendësuar me komunikimet online.
Janë marra masa me krijimin e kushteve të përshtatshme, për trajtimin e rasteve të dyshuara.
Deri tani asnjë rast, por duke parë cfarë ka ndodhur, jemi të përgatitur.

Dje qeveria mori një masë shumë të rëndësishme, miratuam aktin normativ të të dënuarve që vuajnë nga sëmundje kronike.
Me propozim të Ministrisë së Drejtësisë, qeveria miratoi një akt normativ për të karantinuar të gjithë ata që u kanë mbejtur deri në 3 vite burgim, dhe të gjithë ata që u ka mbetur deri në 5 vite burgim, që duhet të jenë mbi 60 vjec ose me sëmundje kroinike.
Të dyja kategoritë përfitojnë nëse nuk janë dënuar për vepra penale të rrezikshmërisë së lartë.

Përfitojnë ata që kanë sjellje të mirë, dhe nuk po hetohen për vepra të tjera.
Të burgosurit duhet të depozitojnë një deklaratë për pëlqimin e familjes për të qëndruar në shtëpi.
Parashikohet të lënë burgun rreth 600 të burgosur, kjo masë do të fuqizojë efektin e masave parandaluese për koronavirusin”, deklaroi Gjonaj ndër të tjera.